منتديات وشات الحواته
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات وشات الحواته

منتديات لمعجبي الفنان الراحل محمود عبد العزيز
 
الرئيسيةPortalأحدث الصورالتسجيلدخول

 

 كلمات البوم ما تشيلي هم

اذهب الى الأسفل 
كاتب الموضوعرسالة
الجان
نائب المدير
نائب المدير
الجان


จำนวนข้อความ : 12
Join date : 28/05/2014
Age : 36
ที่อยู่ : Khartoum, Sudan

كلمات البوم ما تشيلي هم Empty
مُساهمةموضوع: كلمات البوم ما تشيلي هم   كلمات البوم ما تشيلي هم Emptyالأربعاء مايو 28, 2014 4:14 pm

معقولة بس

كلمات البوم ما تشيلي هم Dc3798cf1cfc
معقولة بس في ناس كدا
معقولة بس في زول كدا
*********************
في عيونه زي ريم حفل
في لونه خاطف وأنعسل
في المشية زي غيماً رحل
عصر الجمال منه أبتدا
*********************
فى قوامه بتحدى الشعر
في دربه كم عاشق ودر
نظراته أقوى من السحر
وقتين سهامه يسددا
*********************
شعره ليل أسود نزل في وجهه زي صبح أطل
كلامه أشهى من العسل زي ودرة بلاها الندى
***************************************
صوته ما زي صوت بشر دا صوت قماري وقت عصر
صوت قماري وقت عصر يتناجوا فوق نخل التمر
يناجوا فوق نخل التمر بنغمة حلوة مرددة
معقولة بس في ناس كدا معقولة في زول كدا كدا كدااااا
*********************************************
الحلم الجميل
زادت في أعماقي الجراح زاد في حشاي نزف النزيف
مطعون وفي حبك جريح صامد وكل زادي الحروف
واقف في باب ألانتظار رح حأنتظر أكتر وأقيف
********************************************
أنا يا زمان الأنهزام صابر مثابر بالصبر
عايش وفي جواي أمل وباقي معاي طول العمر
أمشي وأواصل للمسير وأمشي مع خطاوي القدر
********************************************
مـــن أجل تحقيق الوصــول
بركـب مراكــب المســـتحيل
ومهمـا ما المشـوار يــطــول
بمشـى على الــدرب الطـويل
عشان أحقـق يازمــن آمالــي
والحـــلم الجمـــيل..
ولما أرجع للوطـن ...يعود معــاي مجدي القبيل..

عندي كلمة
عندي كلمة أحب أقولا عن مصيري وعن مصيرك
إيه كسبتي بعد فراقي بالألم اتعذب ضميرك
ما لقيتي بلاي سعادة وما قدرت أحن لغيرك
انتي لو ضحيتي زيي في سبيل مبدأ وفكرة
لو وقفتي تشدي أزري لما كانت عيشتي مرة
كنا نتخطى المصاعب ننتصر في العمر مرة
بس هجرتي تركتي قلبي بي جفاك بقيتو جمرة
ما صبرتي معاي شوية ما رضيت أتخلى عنك
كنت أقوى من الأعادي أقوى من شكك وظنك
احتفظت بي وعدي ليكي ما التزمتي بكلمة مني
دي النهاية بقت خصومة اشكي ظلمك واشكي همي


الفات زمان
الكنت قايلو فات زمان
رجعتو بى طعم الغنا
احلام صباي والذكريات
هومت بي بالدندنة
اتارى فى جواي نغم
وهنا القليب بيدق هنا
ناسى الزمان اتغيرو
لكنى ما اتغيرت انا
اطياف هواي
الليلة جات تسأل
علي ملهوفة كيف
اجمل صور عبر الخيال
مرسومة فى خطوط الحروف
يا وجعة الزول اليتيم
ياحسرة القلب الرهيف
يا حليلة طلات الصباح
طى العوينات الشفيفة
الكنت قايلو فات زمان
الكنت قايلو فات زمان
مكتوب علي سفر الشجون
شوق الحنين ولوعة حزين
مكتومة فى اعماقى اناااا
محبوسة فى دموع العيون
لمتين ورااااااااااااااااااااك سفر الشقااااا
قولي متيين لى متين يكون
لمتين ورااااااااااااااااااااااك سفر الشقااااا
قولي متيين لى متين يكون
كأنى مديووووووون للعذاب
وأدفع سنين من عمرى دين

ما تشيلي هم
من الظروف ما تشيلي هم
بكره الزمن ليك بيتسم
يا الطالة من صبح العشم
أتصبري ما تشيلي هم
ما تشيلي همك في الدموع
بحر الحزن ما ليهو قيف
راجينك الفرح الجميل
شوق أنتطار عندك نقيف
يا غالية يا وعداً سمح
من فرقتك دفق النزيف
ليل الحزن بيكي أنهزم
أتصبري ما تشيلي هم
ما تشيلي هم عاشق بكى
دوزن وتر حبك غنا
شوقك شذا شوقنا الشديد
نضح الحروف بيك لونا
يا غالية يا شيتاً كتر يا نرجسا يا سوسنا
يا قبلي في الضحوي الرزم
أتصبري ما تشيلي هم
ما تشيلي هم نورك سطع
يا الراجعة من غربة وسفر
الشوق البعود بسمة ودموع
عمر السنين بيكي أزدهر
فرحت بالجية الورود
أتراقص الفل والزهر
أن شاء الله ما تشوفي الندم
أتصبري ما تشيلي هم



خاتم المنى
يا خاتم المنى لو نلقاك هنا
تبعد همنا تسقينا الهنا
لا تقول لينا لا ما نحملا
لو شفتو الحلا حتقولو الصلا
وتغير مننا يا خاتم المنى ....
ننور شمعتين وأمسح دمعيتن
لو جانا الحبيب نفرح مرتين
ونول المنا يا خاتم المنى....
عيون القمر بتحلي السمر
ولطافة السير من زول ندر
وغاب عننا يا خاتم المنى ....

بريدك
حبيبي ما سألت علي
بريدك والله عالم بي
بريدك والله زي عيني
و ريدك باقي لي نصيب
وغيرك ما قي لي حبيب
بعيد مني ومعاي قريب
أشيل ريدك وأضمه علي
بريدك والله عالم بي ......
ريدك لي قليبي رسول
عيونك فيها شوق معسول
فراقك ما في داعي يطول
حنانك يا مليح الزي
بريدك والله علي .....
أشوفك في رؤى الأحساس
عيونك منبع الأخلاص
وريدك حده ما بنقاس
زاهد في حنانك لي
بريدك والله عالم بي ..........


أم كحيل

أم كحيل نسيم المر بالليل سألت أنا منكي
سؤال كتير ليهو بكيت كتير انا
يا نسيم ماري يانسيم يا ماري
هواها شاغل بالي هوها شاغل بالي
من ريحا اه اه اه من طيبا اه اه
النسيم يوم جا بالليل
ذكرني حبيب جميل
أبداُغيره ما بميل
دا الفراقه مستحيل
كردفان الغرة
الخيرا جوا برة
في بارا اه اه خضارها اه اه
ألأبيض اه اه رمالها اه اه
الدلنج اه اه جبالها اه اه
أِشجارا اه أه أزهارا اه اه
لقاوة أه أه حلاوة اه اه

الرجوع الى أعلى الصفحة اذهب الى الأسفل
 
كلمات البوم ما تشيلي هم
الرجوع الى أعلى الصفحة 
صفحة 1 من اصل 1
 مواضيع مماثلة
-
» كلمات البوم خلي باك
» كلمات البوم خلي باك
» البوم سبب الريد
»  البوم سيب عنادك
»  البوم يا مدهشة

صلاحيات هذا المنتدى:لاتستطيع الرد على المواضيع في هذا المنتدى
منتديات وشات الحواته :: المنتدى الديني :: منتدي الحوت :: منتدى كلمات اغنيات الحوت-
انتقل الى: